کینیا‌نینگ محلی یېتکرمه‌لری ترقه‌تگن خبرلر اساسیده، اوشبو مملکت پایتختی نایروبی شهری یقینده بیر بنا قۉله‌ب توشیشی عاقبتیده، کمیده آلتی کیشی اۉلگن.
«سیتیزن تی‌وی» یېتکرمه‌سی‌نینگ ایکس صحیفه‌سیده یازیشیچه، اوشبو بنا بوگون (۱۳-نوامبر، جمعه)، اېرته‌لب محلی وقت بیلن ساعت ۰۹:۵۲ده، نایروبی–مومباسا قتناو یۉلیده جایلشگن مولولونگو منطقه‌سیده قۉله‌ب توشگن.
شونینگدېک کینیا قیزیل خاچ کمیته‌سی، اوشبو واقعه‌ده اوچ کیشی‌نینگ ویرانه‌لر آستیدن قوتقریلیب و کسلخانه گه یېتکزیلگنینی بیان قیلگن.
ایتیلیشچه، بوندن آلدین جاری میلادی ییل ۲۳ اکتبر، نایروبیده ۱۲ قبتلی بیر بنانینگ قۉله‌ب توشگنی نتیجه‌سیده هم قریب سکیز کیشی جان بېرگن اېدی.
ایتیش کېره‌ک که، کینیاده بنالرنینگ قۉله‌ب توشیشی کینگ ترقه‌لگن حادثه بۉلیب، بونگه قوریلیش ایشلری‌نینگ صفت‌سیز برجه‌ریلیشی، طلبگه جواب بېرمه‌یدیگن نرسه‌لر فایده‌لنیشی و نظارت سست‌لیگی کبی عامللر سبب بۉلماقده.
