امریکا فدرال هوا یۉللری اداره‌سی، علاقه تیزیملریده یوز بېرگن تخنیکی قیینچیلیک سبب بیر نیچه ساعتگچه تۉخته‌تیلگن برچه اوچیشلرنی قیته باشله‌دی؛ لېکن ییتی مینگدن آرتیق اوچیش‌نینگ کېچیکتیریلیشی یا-ده بیکار قیلینیشیگه سبب بۉلگن اوشبو ناسازلیک‌نینگ عاقبتلری ینه بیر نیچه کون‌گچه دوام اېتیشی ممکن.
آکسیوس آژانسی‌نینگ خبر بېریشیچه، مذکور واقعه طفیلی کۉپینچه یۉلاوچی سرگردان بۉلیب، شونینگدېک اوچاقلر اېسه اۉز اصلی جاییگه جایلشمه‌گن.
خبرگه کۉره، امریکا ایچکی خوفسیزلیک وزیری مارکوین مولین‌نینگ ایتیشیچه، حاضرگچه بو مملکت هوا یۉللری تیزیملریگه قصدی شکلده هجوم قیلینیشدن هیچ قنده‌ی بیر بیلگی قۉلگه کېلمه‌گن.
شونده‌ی بیرحالده، امریکا‌نینگ فدرال تدقیقات اداره‌سی (اف‌بی‌آی)، اوشبو قیینچیلیک سببینی تېکشیرماقده.
امریکا فدرال هوا یۉللری اداره‌سی جمعه کونی علاقه تیزیملریده تخنیکی قیینچیلیک یوز بېرگنیدن سۉنگ، مملکت بۉیلب برچه اوچاقلرنینگ وقتینچه‌لیک تۉخته‌تیش حقیده قرار آلگن ایدی.
