طالبان نینگ کانلر و پترولیم وزیرلیگی بیر بیانات ترقه‌تیب، بو وزیرلیک سرپرستی شهاب الدین دلاور ترکیه‌لیک ۷۷ کمپنیه‌سی نینگ باشلیغی بیلن اوچره‌شگنیدن خبر بېردی.
بو وزیرلیک تامانیدن ترقه‌تیلگن بیانات‌گه اساس، ترکیه‌لیک اوشبو کمپنیه جوزجان ولایتیده واقع یتیم‌تاغ سمنت ایشلب چیقاریش لایحه‌سی اوستیده سرمایه یاتقیزیش‌گه تیارگرلیک کورسه‌تگن.
طالبان کانلر و پترولیم وزیرلیگی نینگ سرپرستی، ترکیه‌لیک بو کمپنیه بیلن اوشبو بولیمده یاردم بېریش‌گه وعده بېریب، اوندن بو خصوصده پروپوزل ترقه‌تیشینی سۉره‌گن.
ایتیش کېره‌ک که طالبان افغانستان حاکمیتیده قیتگنیدن بۉیان، اۉزلرینی ایچکی بودجه‌لرینی تامین‌لش مقصد کانلرنی ایشلب چیقاریش یوز کیلتیرگن.
حاضر افغانستان‌نینگ تورلی بولیملری اینقسه شمالی ولایت‌لرده جایله‌شگن کانلر طالبان تامانیدن جدی چیقاریلیب یاتکن و بو اېسه ایریم خواطرلر و تنقیدلرنی هم اۉرته‌گه آلیب کېلگن.
ینگی‌لیکده، فارن پالیسی تامانیدن ترقه‌تیلگن تدقیقی بیر گزارش‌ده، طالبان تامانیدن تخار و بدخشان ولایتلری نینگ آلتین کانلری عایدی القاعده گروهیگه بېریلیشی ادعا اېتیلگن اېدی.
