فاریاب‌لیک سپورتچی سلیم کریمی، سعودی عربستان‌ده عرب مملکتلری آره‌سیده یۉلگه قۉییلگن «کیک بوکسینگ» بیللشوولریده آلتین مدال ساورین‌داری بۉلدی.
فاریاب‌لیک بو سپورتچی اوشبو رقابت‌لرنی ۷۵ کیلو وزن‌ده بحرین‌لیک همده سعودی عربستان‌لیک رقیب‌لری برابریده غالب بۉلیب، آلتین مدال‌گه قۉل تاپگن.
اصلی فاریاب ولایتی مرکزیده جایله‌شگن «زرگری‌خانه» منطقه‌سی یشاوچیسی بۉلمیش سلیم کریمی، اۉزبېک تی‌وی بیلن اوتکزگن صحبت‌لریده، سپورت‌نی بیرینچی بۉلیب ۷ یاشرلیک چاغیده میمنه‌ده باشله‌گنی کیین اېسه ۱۰ ییل‌دن بۉیان سعودی عربستان مملکتیده دوام بېره‌یاتکنینی معلوم قیله‌دی.
کریمی‌گه کۉره، سعودی عربستان‌ده مهاجر بۉلگن‌دن کیین غربت قیینچیلیکلریگه قره‌مسدن سپورت بۉلیمیده دوام بېرگن و حاضرگه قدر بیش مراتبه مدال ساورین‌داری‌گه اَیلنگن.
شونینگدېک، فاریاب‌لیک بو سپورتچی حاضر قۉلینی تگیده اۉن‌لرچه شاگردی بارلیگینی بیلدیریب، ییریک خلق‌ارا رقابت‌لرگه یۉل تاپیشی اوچون اولگوریب یاتکنینی تیلگه آله‌دی.
فاریاب‌لیک سپورتچی سلیم کریمی کیله‌سی آی‌لر سعودی عربستان‌ده ییریک بیر بیللشووده قتنه‌شیب کیین اېسه، تایلند مملکتیده یۉلگه قوییلیشی کوتیلگن بیللشووگه باریش‌گه تیارگرلیک کوره‌یاتکنینی هم بیلدیره‌دی.
