ترانسپورت و هوا یۉللری وزیرلیگی هواشناسلیک اداره‌سی، بوگون یکشنبه، ۲۱ – دلو، افغانستان ۲۵ ولایتیده قار و یامغیر یاغیشیدن آگاه‌لنتیردی.
بو اداره تامانیدن نشر اېتیلگن معلومات اساسیده، اوشبو هوا وضعیتی فاریاب، سرپل، بامیان، میدان‌وردک، کابل، لوگر، پکتیا، خوست، پکتیکا، غزنی، جوزجان، بلخ، پروان، بغلان، هرات، فراه، نیمروز، هلمند، کندهار، زابل، ارزگان، دایکندی، غور، بادغیس و پنجشیر ولایتلریده پیش‌بینلیک بۉلگن.
شونینگدېک بوگون ایچیده، افغانستان ایریم منطقه‌لری جمله‌دن جنوبی و مرکزی ولایتلریده کوچلی بوران‌لر یوز بېریشی هم معلوم قیلینگن.
هواشناسلیک اداره‌سی تورلی منطقه‌لرده، یامغیر یاغیش میزانینی ۱۵دن ۳۵ ملی‌متر و قار یاغیش میزانینی ۱۰ دن ۴۰ سانتی‌متر پیش‌بینلیک قیلگن.
