طالبان سۉزلاوچیسی ذبیح الله مجاهد، بو حاکمیت رهبری نینگ ناپسند عرف‌وعادتلر تقیق‌لنگنی حقیده بۉلگن بویروغ‌نی نشر قیلدی.
طالبان رهبری اوشبو بویروغی‌ده، توی، عزادارلیک و حج مراسمی کبی مراسم‌لرده‌گی ناپسند عرف‌وعاداتلر آلدی آلینیشینی بویروغ بېردی.
طالبان رهبری اۉزی نینگ بویروغی‌ده، توی، عزادارلیک و حج‌دن قیتگنلرنی کوتیب آلیش مراسم‌لریده، کۉپ خرجت اېتیلمس‌لیگی و ناپسند عرف‌وعادتلر آلدی آلینیشی تاکیدلگن.
عینی حالده، طالبان رهبری قیزلر جبری تورموش‌گه چیقاریلیشینی هم تقیق‌لگن.
طالبان رهبری شوندی بیرحالده قیزلرنی جبری تورموش‌گه چیقاریش‌نی تقیق‌لماقده دیر که اخیرگی اوچ-یریم ییل ایچیده، افغانستان‌ده بو وضعیت جدی‌لشگنی خبر قیلینگن.
بو حقده نشر اېتیلگن گزارش‌لرگه کۉره، طالبان حاکمیت‌گه قیتگنیدن بیری بو گروه نینگ اعضالری قیزلرنی اولر بیلن تورموش قوریش‌گه جبرلنتیریب و کۉپلب طالبان اعضالری ایکی الی اوچ مراتبه تورموش قورگن.
ایتیش کېره‌ک که ناپسند عرف‌وعادتلر و قیزلرنی جبری تورموش قوریشی، ییللردن بویان افغانستان‌ده اجتماعی بیر معما اوله‌راق دوام اېتیب کېلماقده دیر.
حاضرگه قدر کۉپلب آگاه‌لیک بېریشلر بیلن اوشبو معما حل اېتیلگن اېمس و جماعه‌ده هلی هم موجود دیر.
