بیرلشگن ملتلر تشکیلاتینینگ باش کاتبی آنتونیو گوتریش تامانیدن تیارلنگن ینگی حساباتگه کۉره، افغانستانده ناتینچلیکلر سانی کۉپهیگن.
حسابات اساسیده، جاری میلادی می آیی باشیدن جولای آیی یکونیگچه افغانستانده ایکی مینگ و ۹۴۷ ناتینچلیک واقعهسی رویخطگه آلینگن که بو اۉتگن ییل شو زمانگه نسبتن ۱۱ فایز کۉپهیگنینی کۉرسهتدی.
بیرلشگن ملتلر تشکیلاتی شو مدت اېچیده، افغانستانده طالبانگه قرشی قوراللی گروهلر ۸۸ ته هجوم اویوشتیرگنلرینی ادعا قیلگنینی هم معلوم قیلگن.
حسابات اساسیده، اوشبو هجوملر افغانستاننینگ ۲۱ ولایتیده اویوشتیریلگن اېکن.
بیرلشگن ملتلر تشکیلاتی، اوشبو هجوملردن ۵۵ تهسینی تصدیقلهگن.
بیرلشگن ملتلر تشکیلاتینینگ باش کاتبی حساباتیده، جاری میلادی ییل جولای آییده طالبانگه قرشی گروهلر هجومی کۉپهییب اولر ۳۰ ته هجوم اویوشتیرگنینی بیلدیرگن.
بو هجوملرده، طالبان جنگریلری، حربی پستهلری و امر باالمعروف خادملری نشانگه توتیلگنی هم قید اېتیلگن.
اوشبو هجوملر، آزادلیک جبههسی، ملی مقاومت جبههسی، یشیل قطعه، وطن سپاهیلری، افغانستان مستقللیک جبههسی، آزادلیک و عدالت حرکتی، افغانستان متحد جبههسی و شونگه اوخشش باشقه بیر قنچه جبههلر تامانیدن عملگه آشیریلگن.
