فاریاب ولایتیده محلی منبع‌لرنینگ اۉزبېک تی‌وی گه تصدیق‌لشیچه، بو ولایتده بیر عیال طالبان بیر جنگری‌سی تامانیدن پیچاقلنیب، یره‌لنگن.
منبع‌لرنینگ ایتیشیچه، آصف ناملی طالبان بو جنگری‌سی، اۉز عمک‌سی نینگ خاتینینی، پیچاقلب یره‌لنتیرگن.
اوشبو واقعه فاریاب ولایتی پشتون‌کوت اولسواللیگی نینگ «دره آغزی» منطقه‌سیده یوز بېرگن.
محل یشاوچیلریدن بیری نینگ اۉزبېک تی‌وی گه ایتیشیچه “واقعه‌ده بو عیال آغیر یره‌لنگن. بو عیال پیچاقلگن کیشی هم دولت عسکری دیر.”
ایتیش کېره‌ک که بوندن بیر کون ایلگری هم، فاریاب‌ده یاش بیر قیز، عایله‌وی جنجللر باعث اۉزینی اۉلدیرگن اېدی.
