تورکی دولتلر تشکیلاتی خبری بیر بیانات نشر قیلیب، بو تشکیلات‌گه اعضا مملکتلر دولت رهبرلری نینگ نوبتده‌گی نارسمی ییغینی، مجارستان مملکتی نینگ بوداپست شهریده اۉتکزیلیشیدن خبر بېردی.
تورکی دولتلر تشکیلاتی نینگ اعلام قیلیشیچه، میلادی جاری ییل می آیی نینگ ۲۰ – و ۲۱ کونلری اۉتکزیلیشی ریجه‌لشتیریلگن بو ییغین‌ده، تورکی دولتلر تشکیلاتی اعضالری جمله‌دن اۉزبېکستان، تورکیه، آذربایجان، قزاقستان، قیرغیزستان دولت رهبرلری همده کوزه‌تووچی مملکتلر وکیللری و تشکیلات باش کاتبی اشتراک قیله‌دی.
دیمک «شرق و غرب نینگ توته‌شگن نقطه‌سی» عنوانی آستیده‌گی بو ییغین مجارستان باش وزیری ویکتور اوربان میزبان‌لیگیده دیر و مجارستان تورکی دولتلر تشکیلاتی نینگ کوزه‌تووچی اعضاسی بۉلگنی اوچون بو ییغین تورکی دولتلر تشکیلاتی تاریخیده ایلک‌بار، کوزه‌تووچی بیر مملکت میزبان‌لیگیده اۉتکزیلماقده.
تورکی دولتلر تشکیلاتی تامانیدن نشر اېتیلگن بیاناتده کېلیشیچه“بو ییغین، دولت رهبرلری‌گه استوار یۉنه‌لیشلرده همکارلیک‌نی آشیریش، منطقوی و خلق‌ارا عمومی مساله‌لرنی حل اېتیش اوچون مهم امکانیت یره‌تَدی.”
تورکی دولتلر تشکیلاتی ییغین اداغیده «بوداپست بیاناتی» هم نشر اېتیلیشینی بیلدیریب، بو بیاناتده تورکی دولتلر تشکیلاتی نینگ مشترک قره‌شلری و استراتیژی‌لر تصدیق‌لنیشنی هم تاکیدلگن.
