سرپل ولایتی قشقری نفت بلاکی ده ینگی سکّیز نفت قودوغی آچیلیب و فایده‌لنیشگه تاپشیریلگن. سرپل نینگ قشقری نفت بلاکی ده ینگی سکّیز قودوق نی آچیش و فایده‌لنیش گه تاپشیریش مراسمی گه شرکت قیلیش اوچون بو ولایت گه سفر قیلگن طالبان رسمی‌لری نینگ ایتیشلریچه، اوشبو قودوق‌لر آچیلیشی بیلن نفت قازیب چیقاریش میزانی هر کونی ۸۰۰ متر مکعب گه ییتیشه‌دی.
مذکور مراسم ده اشتراک ایتگن طالبان باش وزیری نینگ اقتصادی اورین باسری ملابرادر آخوند گه کوره، قشقری نفت بلاکی درآمدی دن دستلب سرپل یشاوچیلری فایده‌لنیشی کیره‌ک و طالبان حکومتی قشقری نفت بلاکی درآمدی آرقه‌لی، سلطان‌ابراهیم سوو توغانی نینگ قوریش گه اقدام قیلگن.
شونینگدیک، قشقری نفت بلاکی ینگی قودوق‌لرینی آچیش و فایده‌لنیشگه تاپشیریش مراسمی گه اشتراک ایتگن طالبان کان‌لر و پترولیم وزیرلیگی سرپرستی شهاب‌الدین دلاور گه کوره، کیله‌سی ییل ده نفت قازیب چیقاریش میزانینی ۸۰۰ متر مکعب دن ۳۰۰۰ مینگ مترمکعب گه آشیریش مقصدیده سعی‌وحرکت قیلماقده‌لر.
