خلق‌ارا آزیق – آوقت دستوری (WFP) اوشبو تشکیلات افغانستان‌ده تۉرت یریم میلیون کیشیگه نقدی و آزیق – آوقت ترقه‌تیب بېرگنینی اعلان قیلدی.
خلق‌ارا آزیق – آوقت دستوری ۸ – قوس چهارشنبه کونی ایکس اجتماعی ترماغیده اوشبو کمکلر میلادی اۉتگن بیر آی ایچیده افغانستانده‌گی احتیاجمند عایله‌لرگه توزیع قیلینگن دېب یازگن.
اوشبو تشکیلات نینگ کۉپه‌یتیریشیچه، مذکور یاردملر تینچ اهالینی سقلشنی حمایت قیلیش مالی بۉلیمی، اروپا بیرلشمه‌سی نینگ انسان پرورلیک یاردملری، اوچا و «سیدا» ناملی سویدنلیک تشکیلات همکارلیگی بیلن مملکتده‌گی احتیاجمندلرگه ترقه تیلگن.
عین حالده، خلق ارا یاردم بېروچی تشکیلاتلر افغانستان‌ده قشّاق و کمبغللرنی قاپلش اوچون بودجه آزلیگی بیلن روپه ره بۉلگنلری حقیده خواطر بیلدیریب کېلگنلر.
بوندن آلدین، بیرلشگن ملتلر تشکیلاتی نینگ جهان آزیق – آوقت دستوری (WFP) بو تشکیلات نینگ بودجه‌سی کمه‌یگنیدن خواطر بیلدیریب، مالی منبع نینگ قیسقرگنی افغانستان بۉیلب بیر میلیون آنه و باله‌نی آزیق آوقت‌دن محروم قیلگن دېب ایتگن اېدی.
