«مهاجرلر معمالرینی حل اېتیش کمیسیونسی»نینگ معلوم قیلیشیچه، تیناوون (دوشنبه، ۲۴-حمل) پاکستان و ایراندن اوچ مینگ۹۶۵ نفر مهاجر چیقریب یوباریلیب، افغانستانگه کیریب کېلگن.
کمیسیون معلوماتیگه کۉره، اولر نینگ اوچ مینگ۹۵۷ کیشیسی پاکستاندن،۳۶۸ نفری اېسه ایراندن چیقریب یوباریلگن و افغانستانگه قَیتریلگن.
طالبلرنینگ اوشبو کمیسیونی بو شخصلر تورخم، سپین بولدک، اسلام قلعه و پول ابریشم چېگره اۉتیش بندرلری آرقهلی افغانستانگه کیرگنینی بیلدیرگن.
سۉنگگی کونلرده پاکستاندن افغانستانلیک مهاجرلرنینگ چیقریب یوباریلیشی سېزیلرلی درجهده آشگن.
طالبلر معلوماتلریگه کۉره، یکشنبه کونی هم پاکستان بېش مینگ۱۶۵ نفر مهاجرنی افغانستانگه دېپورت قیلگن.
