بیرلشگن ملتلر تشکیلاتی باش کاتبی آنتونیو گوترش، ایران و امریکادن مذاکرهلرنی قَیته باشلش و کېلیشووگه اېریشیشنی سۉرهگن.
بیرلشگن ملتلر تشکیلاتی باش کاتبی شونینگدېک، ایکّی تامان اۉرتهسیدهگی اۉت آچیشنی تۉلیق سقلب قالیش و برچه بوزیلیشلرنی تۉختهتیش ضرورلیگینی تأکیدلهگن.
اونینگ ایتیشیچه، هفتهلر دوام اېتگن ویرانهگرچیلیک و بېقرارلیکدن سۉنگ، یقین شرقدهگی حاضرگی ماجرانی حربي یۉل بیلن حل قیلیب بۉلمسلیگی انیق بۉلیب قالدی.
باش کاتب، شونینگدېک، برچه ماجرا اشتراکچیلری خلقارا حقوققه موافق روشده دېنگیزده اېرکین حرکتلنیش حقوقینی، جملهدن، هرمز بۉغازیده هم حرمت قیلیشلری کېرهکلیگینی ایتگن.
ایران و امریکا اۉرتهسیدهگی بیرینچی مذاکره باسقیچی ایکّی هفتهلیک اۉت آچیشنی تۉختهتیش اعلان قیلینگچ، هفته نینگ باشیده پاکستان نینگ اسلام آباد شهریده بۉلیب اۉتگن، بیراق کېلیشووسیز یکونلنگن.
آسوشیتدپرس خبریگه کۉره، تامانلر ایکّینچی باسقیچ مذاکرهلرنی کۉریب چیقماقده، اما حاضرچه هېچ بیری بونی رسماً تصدیقلهمهگن.
