طالبان عالی اۉقوو وزیرینینگ اۉزبېک مدنیتی و اۉزبېک طلبهگه نسبتن حرمتسیزلیگی برابریدهگی مناسبتلر دوام اېتر اېکن حاضرگچه بو گروه، شوندهی اعتراضلر خصوصیده رسمی فکر بیلدیرگن اېمس.
شو بیلن بیرگه، ایریم ایشانچلی منبعلرنینگ اۉزبېک تیوی گه تصدیقلهشیچه، طالبان عالی اۉقوو وزیرلیگی بیر قنچه بیلیم یورتلردهگی اۉزبېک اۉقیتووچیلر و خادملرگه اجتماعی صحیفهلرده، بو گروه وزیرینی قۉللب-قوتلب فکر یازیشنی سۉرهگن.
ایتیلیشیچه، بو خصوصده بیر قنچه آدملر طالباننی باسیملری بیلن هم دوچ کېلیب، اجتماعی صحیفهلرده طالبان وزیریگه نسبتن ناراضیلیکلرنی ناحق دېب ادعالرنی اۉرتهگه چیقریشگه اورینیب کېلماقده.
دېمک، طالبان اۉزبېکلرنینگ عدالتخواهلیک طلبنی ناتۉغری یۉللر بیلن جواب قیترماقده دیر.
اوشبو بو گروه واقعه یوزهسیدن آچیقلیک بېریش اۉرنیده، ناراضیلیک سېسلرنی ناحقلیککه چیقریب، باستیریشگه سعی و حرکت قیلماقده.
اوشبو باسیملر و حرکتلر دوامیده، اۉتگن کون فاریاب ولایتیده دولت بیلیم یورتی بیر بیانات ترقهتیب، تاقّی اۉزبېکلردن بۉلمهگنی و منظوریلرگه تېگیشلی بۉلگنینی ادعا قیلدی.
