بوگون چهارشنبه، کابل بیلیم یورتیده یوز بېرگن واقعه و اوشبو واقعهده طالبان عالی اۉقوو وزیری ندامحمدنینگ اۉزبېک تاقّیسی و اۉزبېک طلبهگه نسبتن ناتۉغری معاملهسیدن بیر هفته اۉتدی.
اوشبو واقعه خصوصیدهگی مناسبتلر هلی هم دوام اېتیب، بو حقده فکر بیلدیرگن فعاللر طالبان اوشبو مقامینینگ یاندهشووینی تنقید قیلماقده دیر.
فعاللردن بیری سرداربیک سینا بوگون بو خصوصده بیلدیرگن فکریده بیلیم یۉلی حقارت بیلن اېمس عزت بیلن بیرگه بۉلیشینی تاکیدلهدی.
سینا بوحقده یازیشیچه: «بیلیم یۉلی حقارت بیلن اېمس، عزت بیلن باسیلهدی. کیم که علمگه حرمت قیلمسه، اۉزی قدرینی یۉقاتهدی. بیز اولوغ نوایی نسلیدنمیز – سۉزیمیزده هم، یوریشیمیزده هم شرف بۉلیشی شرط.»
بو شوندهی بیرحالده دیر که طالبان عالی اۉقوو وزیری حاضرگچه هم بو خصوصده مناسبت بیلدیرگن اېمس و اوشبو واقعهنی آچیقلهمی کېلماقده.
بوندن تشقری، منبعلرنینگ ایتیشیچه طالبان بو خصوصده بۉلگن ناراضیلیکلرنی باستیریش و ناحقلیککه چیقریش اوچون ایریملرنی اجتماعی ترماقلرده ناراضیلیکلرگه مخالف فکر بیلدیریشگه مجبور قیلگن.
