طالبلرنینگ «مهاجرلر معمالرینی حل قیلیش کمیسیونی» تیناوون (شنبه،۲۹-حمل) پاکستاندن بېیش مینگ۱۱۷ نفر مهاجر دېپورت قیلینیب، افغانستانگه قیتریلگنینی معلوم قیلدی.
شونینگدېک، اوشبو کمیسیون شو کونی ایراندن۱۸۲ نفر مهاجر هم دېپورت قیلینیب، افغانستانگه قَیتریلگنینی بیلدیرگن.
بو مهاجرلر ننگرهاردهگی تورخم، قندهاردهگی سپین-بولدک، هراتدهگی اسلام قلعه و نیمرازدهگی پول ابریشم چېگره اۉتیش بندرلری آرقهلی افغانستانگه کیریب کېلگن.
طالبلرنینگ «مهاجرلر معمالرینی حل قیلیش کمیسیونی» نینگ ایتیشیچه، اوشبو مهاجرلرگه رۉیخطگه آلیش و تېکشیروودن سۉنگ یاردم کۉرسهتیلگن، اولرنینگ بیر قِسمی اېسه اۉز ولایتلریگه یېتکزیب قۉییلگن.
سۉنگگی هفتهلرده پاکستان افغانستان مهاجرلرینی دېپورت قیلیشنی کوچهیتیردی و جمعه کونی هم بېش مینگدن آرتیق مهاجرنی چیقریب یوباردی.
شو بیلن بیرگه، ایراندن افغانستان مهاجرلرینینگ دېپورتی هم دوام اېتماقده.
بو ایکّی دولتدن مهاجرلرنینگ کېنگ کۉلمده چیقریب یوباریلیشی افغانستانده انسانپرورلیک بحرانی ینه-ده کوچهییشی بارهسیدهگی خواطرلرنی آشیرماقده.
