لاجورد یۉلی تدقیقات مرکزی بیر بیانات ترقهتیب اعلام قیلیشیچه، بو مرکز تشبثی بیلن تورکیهنینگ پایتختی انقره شهریده ایکّی کونلیک بیر کنفرانس اۉتکزیلهدی.
دېمک «سیاسی اۉزگریش و منطقوی ترتیب؛ افغانستان اۉزگریب بارهیاتگن ژئوپلیتیک قرهشیده» عنوانلی اوشبو ییغین، اپریل آیینینگ ۲۴ – و ۲۵- کونلری اۉتکزیلیشی قرار قیلینگن.
لاجورد یۉلی تدقیقات مرکزی بیاناتیده، اوشبو کنفرانسده سیاسی کادرلر، اکادمیک سیمالر و مدنی جماعهچیلیک فعاللر سۉزلهشووی اوچون شرایط یرهتیلگنی بیلدیریلگن.
شو بیلن بیرگه بیاناتده، افغانستان جغرافیه جایلهشووی و دنیاده اینیقسه منطقهده دوام اېتهیاتگن اۉزگریشلرنینگ افغانستان اوچون بۉلگن تاثیرلری حقیده صحبت اېتیلیشی هم معلوم قیلینگن.
ایتیش کېرهک که لاجورد یۉلی تدقیقات مرکزی، بوندن ایلگری هم افغانستان وضعیتیگه عاید بیر قنچه ییغینلرنی اۉتکزگن.
مذکور کنفرانس چمهسی بېش ییلدن بیری طالبان حاکمیتیده بۉلگن افغانستان سیاسی تقدیرسیزلیک بیر وضعیتده بیلن روپه ره بۉلیب کېلگن بیر وضعیتده اۉتکزیلماقده.
