امریکا جمهور رییسی دونالد ترامپ، حکومتی نینگ افغانستانلیک بیرمینگ۱۰۰ نفر مهاجرنی قطردن کنگو دېموکراتیک جمهوریتیگه کۉچیریش بۉییچه مذاکرهلریدن بېخبر اېکنینی بیلدیردی.
کېچه آق اویده اۉتکزیلگن مطبوعات انجمنیده ترامپدن: «سیزنینگ حکومت افغانستان نینگ بیرمینگ ۱۰۰ نفر فقراسینی کنگو دېموکراتیک جمهوریتیگه یوباریشنی کۉریب چیقهیاتگنی راستمی؟» دېب سۉرهلگنده، او: «بیلمهیمن، تېکشیریب کۉریشیم کېرهک،» دېب جواب بېردی.
نیویارک تایمیز گزېتهسی سۉنگگی کونلرده امریکا قطردن بیرمینگ ۱۰۰ کیشی قاچقینینی کانگو جمهوریتیگه کۉچیریش بۉییچه مذاکره آلیب بارهیاتگنینی خبر قیلدی. بو قاچقینلر آرهسیده امریکا کوچلری و تشکیلاتلری بیلن افغانستانده ایشلهگن ترجمانلر و سابق همکارلر بار.
امریکا 2024-ییلده اۉز کوچلری نینگ سابق همکارلریدن بیرمینگ ۱۰۰ کیشیدن آرتیغینی قطر نینگ دوههدهگی حربي بازهسیگه کۉچیرگن اېدی. رېجهگه کۉره، بو شخصلر قۉشیمچه خوفسیزلیک تېکشیروولریدن سۉنگ امریکاگه آلیب باریلیب جایلشتیریلیشی کېرهک اېدی.
بیراق امریکا حکومتی نینگ افغانستانلیکلرنی قبول قیلیشنی تۉختهتیش قراری آرتیدن بو قاچقینلر ناانیق وضعیتده قالیب کېتگن.
نیویارک تایمیزنینگ یازیشیچه، بو مذاکرهلر قطر حکومتی نینگ اوشبو شخصلرنی جایلشتیریش اوچون ینگی جای تاپیش باسیمی آرتیدن باشلنگن.
