طالبلرنینگ طبیعی واقعهلرگه قرشی کورهش ریاستی بیر گزارش نشر قیلیب، مملکت بۉیلب اۉتکن ۴۸ ساعت جریانیده یوز بېرگن سوو تاشقینی و یاغینگرچیلیکلر طفیلی ۱۳ کیشی جان بېریب و ۹ کیشی یرهلنگنینی بیلدیردی.
اوشبو ریاست سۉزلاوچیسی محمد یوسف حمادگه کۉره، سوو تاشقینی یوزبېریشی، یاغینگرچیلیک و یېر سیلجیشی واقعهلری کابل، بامیان، غور، بادغیس، بلخ، سمنگان، سرپل، جوزجان و بغلان ولایتلریده یوزبېرگن.
اونینگ تاکیدلشیچه، بو ولایتلرده یوزبېرگن طبیعی واقعهلرده اۉنلب اوی – جایلر ویران اېتیلگن، نېچه کیلو متر یۉل بوزیلگن و سوو یېتکزیش کۉپلب ترماغ هم ایشدن قالگن.
طبیعی واقعهلرگه قرشی کورهش ریاستینینگ معلوماتیگه کۉره، ۶- حملدن بېری مملکت بۉیلب یوزبېرگن سوو تاشقینلری، یاغینگرچیلیک، اویلرنینگ تامی قۉللشی و یېر سیلجیشی عاقبتیده ۲۲۷ کیشی جان بېریب و ۳۰۹ کیشی یرهلنگن
