ایران یېتکیرمهلری بوگون دوشنبه ۷ – ثور خبر بېریشیچه، بو مملکت تشقی ایشلر وزیری سیدعباس عراقچی، روسیهگه سفر قیلگن.
دیمک عراقچی روسیهدهگی تشریفیدن ایلگری، پاکستان و عمان مملکتلریگه سفر قیلیب، بو مملکتلر رسمیلری بیلن اوچرهشگن اېدی.
نشر اېتیلگن خبرلرگه کۉره، ایران تشقی ایشلر وزیری اوشبو سفری دوامیده، روسیه جمهور باشلیغی ولادیمیر پوتین بیلن اوچرهشیشی رېجهلشتیریلگن.
بو سفر شوندی بیرحالده دیر که حاضر امریکا قوشمه ایالتلری و ایران اسلامی جمهوریتی اۉرتهسیدهگی مذاکرهلر تۉختهتیلگن و بو مذاکرهلر تقدیری بیللی اېمس.
دېیرلی امریکا و ایران اۉرتهسیده کېلیشماوچیلیک هلی هم موجود دیر و امریکانینگ هرمز بۉغازیدهگی قمراوی دوام اېتماقده.
شو بیلن بیرگه، پاکستان واسطهچیلیگیده امریکا و ایران اۉرتهسیده مذاکرهلر قیته باشلنیشی بۉییچه اینتیلیشلر هم دوام اېتیب تورگن.
