لوگر ولایتیده محلی منبعلرنینگ گزارش بېریشلریچه، ناتانیش قورالی شخصلر بیر عایلهنینگ تۉرت عضوینی آتیب اۉلدیرگن.
اوشبو واقعه اۉتکن کون کېچقورون لوگر ولایتینینگ حصارک منطقهسیده یوزبېرگن.
گزارشلرگه کۉره، هجومچی شخصلر بیر اوی ایچیگه کیریب اوی اېگهسی، تورموش اۉرتاغی و ایکّی اۉغلینی ملتیق بیلن آتیب اۉلدیرگن و اوندن سۉنگ ساحهدن قاچیب کیتگنلر.
لوگر ولایتیده طالبان رسمیلری اوشبو واقعهنی تصدیقلب ایتیشیچه، بو واقعهده اۉلدیریلگنلر قطاریده بیر عیال و ایکّی باله شامل دیر.
طالبان رسمیلری، هردایم مملکت بۉیلب امنیت برقرارلنگنینی تیلگه آلگنلر، بیراق مملکت کۉپلب ولایتلریده قتل، قورالی اۉغیرلیک و باشقه جنایی جرملر آشگن.
بوندن آلدین فاریاب ولایتیده طالبلر امنیه قوماندانلیگی اوشبو ولایت شیرینتگاب اولسواللیگیده بیر قنچه کیشی اۉغیرلیکده عیبلنیب حبسگه آلینگنیدن خبر بېرگن اېدی.
