بغلان ولایتی امنیه قوماندانلیگی اخبارات ادارهسی رسمیلرینینگ ایتیشیچه، بو ولایت دوشی اولسواللیگیگه تېگیشلی منطقهده یوزبېرگن ترافیک واقعهده بېش کیشی یرهلنگن.
رسمیلرنینگ خبر بېریشیچه، بو واقعه دوشی اولسواللیگینینگ کېلهگی منطقهسیده کرولا رسوملی بیر موتر فولدر رسوملی موتر بیلن تۉقنهشووی عاقبتیده یوزبېرگن و نتیجهده یۉلاوچیلردن بېش کیشی یرهلنگن.
واقعهده یرهلنگن شخصلر دوالهنیش اوچون ساغلیق مرکزلریگه آلیب باریلگن و ساغلیق وضعیتلری تېکشیروو آستیگه آلینگن.
سۉنگی کونلرده مملکت ایریم حدودلریده ترافیک واقعهلری میزانی آشگن، ترافیک قاعدهلری نظرده آلینمهگنی، تېز هیدهش، عمومی یۉللر معیاری شکلده قوریلمهگنی و هیداوچیلر تیلفوندن قۉللنگنلری بو کبی واقعهلر یوزبېریشیگه اصلی سبب دېیلهدی.
