طالبان ساغلیقنی سقلش وزیرلیگی بوگون دوشنبه ۱۴ – ثور، بیر بیانات نشر قیلیب، بو وزیرلیک اۉرینباسری احمدالله زاهد، کابلده اۉزبېکستان اېلچیسی جمشید بدلوف و بو مملکت دارو ایشلب چیقریش بۉلیمینینگ هیاتی بیلن اوچرهشگنیدن خبر بېردی.
اوچرهشووده، ایکّی تامان اۉرتهسیده امضالنگن کېلیشوو اساسیده اۉزبېکستاندن افغانستانگه دارو آلیب کېلینیشی خصوصیده بحث اېتیلگن.
شونینگدېک اوچرهشووده، افغانستانده دارو ایشلب چیقریش شرایطلری، بو خصوصده سرمایه کېریتیشگه تیار چېتاېللیک کمپنیلرنینگ رویخطگه اۉتکزیش و افغانستانگه آلیب کېلینیشی ضرور بۉلگن دارولر حقیده هم صحبت بۉلگن.
بو شوندی بیر حالده دیر که افغانستان بازارلری اخیرگی وقتلرده، دارو آزلیگی بیلن دوچ کېلگن.
اوشبو معما طالبان تامانیدن پاکستاندن دارو آلیب کېلینیشی تۉختهتیلگندن سۉنگ اۉرتهگه کېلگن.
طالبان بو معمانی برطرف اېتیش اوچون اۉزبېکستان و هندوستان کبی ایریم مملکتلردن دارو آلیب کېلیشگه اولگورگن.
