ایران تشقی ایشلر وزیری عباس عراقچی پکنگه قیلگن سفری چاغیده چین تشقی ایشلر وزیری وانگ یی بیلن اوچرهشدی.
عراقچی بوگون تانگده (چهارشنبه،۱۶-ثور) دیپلوماتیک هیئت باشچیلیگیده پکنگه یېتیب کېلدی.
اېران یېتکرمهلرینینگ خبر بېریشیچه، اوشبو اوچرهشووده «ایکّی تامانلهمه مناسبتلر همده منطقوي و خلقارا اۉزگریشلر» اساسي محاکمه موضوعلریدن بیری بۉلگن.
ایران تشقی ایشلر وزیری اۉتگن هفته دوامیده پاکستان، روسيه و عمان دولتلریگه هم سفر قیلگن اېدی.
عراقچینینگ بوگونگی پکنگه سفری چین – ایران نفتینینگ اساسي خریداری صفتیده، هرمز بۉغازینینگ یاپیلیشی و امریکا تامانیدن عملگه آشیریلهیاتگن دېنگیز قملی عاقبتلریدن تأثیرلنگن بیر پیتده عملگه آشماقده.
اوّلراق، ایکّی دولت امریکانینگ ایرانگه نسبتاً دېنگیز قملینی چېتلب اۉتیش مقصدیده ینگی ترانسپورت یۉلکلرینی یرهتیشگه اورینهیاتگنی حقیده خبرلر ترقهلگن اېدی.
حاضرده اېسه هرمز بۉغازینی قَیته آچیش بۉییچه سعی-حرکتلر دوام اېتماقده، بو اېسه ایرانگه نسبتاً دېنگیز قملینی یومشهتیشگه یۉل آچیشی ممکن.
امریکا جمهور رییسسی دونالد ترامپ تیناوون «آزادلیک لایحهسی»نی قیسقه مدتگه تۉختهتگنینی معلوم قیلدی، بو آرقهلی ایران بیلن کېلیشووگه اېریشیش و هرمز بۉغازینی حربي عملیاتلرسیز قَیته آچیش امکانیتینی یرهتماقچی.
