بدخشان ولایتیدن بۉلگن محلی منبعلرنینگ خبر بېریشیچه، بو ولایتده سابق حکومت حربیلریدن بیری ناتانیش شخصلر تامانیدن اۉلدیریلگن.
بو حقده نشر اېتیلگن معلوماتلرده، مذکور شخصدن نعمتالله یفتلی دېب آت توتیلگن.
ایتیلیشیچه، یفتلی ایکّی کون ایلگری بدخشان ولایتی مرکزی فیضآباد شهرینینگ دشتقوروق حدودیده اۉلدیریلگن.
حاضرگچه بو شخص کېم تامانیدن انیق بیللی اېمس و شونینگدېک طالبان هم بو حقده بیران معلومات بېرمهگن.
منبعلرنینگ ایتیشیچه، نعمتالله یفتلیدن آلتی کېچیک یاشلی باله قالگن.
ایتیش کېرهک که اخیرگی وقتلرده، طالبان حاکمیتیده سابق حربیلر اۉلدیریلیشی خواطرلی بیر درجهده کۉپهیگن.
