رابعه نسیمی، بریتانیا ایشچیلر حزبینینگ عضوی بۉلگن افغانستانلیک عیال، لندن غربی شهری کېنگشی سیلاویده ۱۲۰۰ دن آرتیق رای قۉلگه کیلتیریشی بیلن غلبه قازانگن اوچ نامزد دن بیری اولهراق سیلندی.
طالبان حاکمیتی بیرینچی دورید بېش یاشیده خانم نسیمی عایلهسی بیلن افغانستان نی ترک اېتیب بریتانیاگه مهاجر بۉلگن ایدی.
اعلان ایتیلگن رسمی نتیجهگه کۉره، لندن غربیدهگی اکتون منطقهسیده ایشچیلر حزبی محلی شوراسینینگ اوچ کرسیسینی اېگللهگن و بو جملهدن رابعه نسیمی ۱۲۰۷ رای قۉلگه کیریتیشی بیلن بو حزب نامزدلری قطاریده ایکّینچی اۉریننی اېگللب کېنگش عضوی اولهراق تانشتیریلدی.
افغانستانلیک اوشبو عیالنی لندن محلی شوراسیگه یۉل تاپیشی قطار یشاوچیلر تامانیدن قیزغین کوتیب آلینگن، بیر قطار ایش بیلرمانلر افغانستان عیاللری قابلیتینی اېگولیک بیلن اېسلب، بیراق حاضرگی کونده افغانستانده اوشبو قتلمگه ارزش بېریلمهگنی و اولرگه قرشی قۉییلگن چېکلاولر دوام اېته یاتگنیدن خواطر بیلدیرگنلر
