بدخشان ولایتینینگ ارگو اولسواللیگیگه تېگیشلی آلتین جلو منطقهسیده طالبان و یشاوچیلر اۉرتهسیده چیققن جنجللرده حاضرگچه اوچ کیشی جان بېریب و باشقه بیر قنچه کیشی یرهلنگن.
بدخشان ولایتیدن بیر منبع اۉزبېک تیوی گه قیلگن صحبتلریده ایتیشیچه، اۉتکن کوندن بېری اوشبو ولایت ارگو اولسوالیگیگه قرشلی «آلتینجلو» منطقهسیده طالبان و یشاوچیلر اۉرتهسیده چیققن جنجللرده حاضرگچه اوچ کیشی جان بېریب، ینه بیر قنچه کیشی یرهلنگن، اۉلدیریلگنلر قطاریده بیر کیچیک باله هم شامل.
منبعگه کۉره، اوشبو منطقهده تلیفون علاقهلری و مخابراتی ترماقلری کېسیلگن و یشاوچیلر هم قمل آستیگه آلینگنلر.
بدخشان ولایتی یشاوچیلری شونینگدېک، بو منطقهده امنیتی کوچلر حضوری کۉپهییب، وضعیت خواطرلهنیب باره یاتگنینی معلوم قیلدی.
اوشبو جنجللر اۉتکن کونی طالبان تامانیدن کوکنار اېکینلرینی بوزیش عملیاتلری آرتیدن باشلنگن و تۉقنشوولر حاضر هم دوام اېتماقده.
منو
