بیرلشگن ملتلر تشکیلاتی جمعیت صندیغینینگ معلوم قیلیشیچه، اسلوانیا افغانستاندهگی اوشبو تشکیلات دستورلرینی قۉللب-قوّتلش اوچون۲۰۰ مینگ یورو یاردم اجرهتگن.
مذکور تشکیلات بوگون (سهشنبه، ۲۲-ثور) ایکس اجتماعي ترماغیده نشر قیلگن پُستیده اسلوانیا حکومتیگه اوشبو یاردم اوچون منّتدارلیک بیلدیرگن.
بیرلشگن ملتلر تشکیلاتی جمعیت صندیغینینگ تأکیدلشیچه، بو مبلغ عیاللر و قیزلرنینگ سلامتلیک بۉییچه حیاتي خدمتلر همده ضرور قۉللب-قوّتلشلرگه اېریشیش امکانیتینی تأمینلهیدی.
تشکیلاتنینگ قۉشیمچه قیلیشیچه، اوشبو یاردم اولر اوچون افغانستان بۉیلب اېنگ محتاج انسانلرگه یېتیب باریش امکانینی هم یرهتهدی.
بو یاردم بیرلشگن ملتلر تشکیلاتینینگ ۲۰۲۶-ییلده افغانستانگه انسانپرورلیک یاردمی اوچون سۉرهلگن بودجه اتیگی۱۴.۷۷فایز مالیهلشتیریلگن بیر پیتده عملگه آشیریلماقده.
بیرلشگن ملتلر تشکیلاتینینگ انسانپرورلیک یاردملرینی هماهنگ قیلووچی دفتری (اوچا) افغانستاندهگی محتاجلرنی قۉللب-قوّتلش اوچون۱.۷میلیارد دالر بودجه سۉرهگن اېدی، بیراق حاضرده۱.۵میلیارد دالرلیک مالیوي تنقیسلیک موجودلیگینی بیلدیرگن.
منو
