طالبلر امر به معروف ادارهسی شیعه دین عالمیگه بۉلگن اهانتنی تېکشیرهدی
تنیقلی شیعه دیني عالِمی حسین داد شریفی طالبلرنینگ کابل شهری 18- خوفسیزلیک حوزهسیده «امر به معروف و نهي از منکر» بۉلیمی مسوولی تامانیدن کلتکلنیب و تحقیرلنگچ، «افغانستان شیعهلری عالي کمیسیونی» هیئاتی طالبان نینگ مذکور وزیرلیگیدهگی مسلکی اۉرین باسری، تېکشیروو باشقرمهسی و کابل شهر ریاستی سرپرستی بیلن اوچرهشیب، «بوندهی حقارتاموز مناسبتلرنینگ آلدینی آلیشنی» طلب قیلگنلر.
کمیسیون بیاناتیده ایتیلیشیچه، اونینگ هیئاتی تیناوون (سهشنبه، 22 ثور) طالبلرنینگ «امر به معروف و نهي از منکر» وزیرلیگی مسووللری بیلن «آیتالله شریفيگه نسبتاً بۉلگن حقارتاموز معامله» یوزهسیدن اوچرهشوو اۉتکزگن.
«افغانستان شیعهلری عالي کمیسیونی» نینگ معلوم قیلیشیچه، طالبلر وزیرلیگی مسووللری «همکارلیک قیلیش و مسألهنی جدّي کوزهتیب باریشگه وعده بېرگن»، شونینگدېک، وزیرلیک کۉرهدیگن چارهلر نتیجهسی کمیسیون بیلن بۉلیشیلیشی رېجهلشتیریلگن.
بوندن آلدین محلي منبعلر «اطلاعات روز» گزېتهسیگه طالباننینگ کابل شهری 18-خوفسیزلیک حوزهسیده «امر به معروف و نهي از منکر» بۉلیمی باشلیغی حسین داد شریفینی هزاره یاش ییگیت و قیز نینگ نکاح خطبهسینی تۉی مراسمیدن آلدین اۉقیگنی سبب ایشخانهسیگه چقیریب، کلتکلهگنی، حقارت و تحقیر قیلگنینی بیلدیرگن اېدی.
منبعلرگه کۉره، طالبان اوشبو شیعه عالِمینی کفیللیک عوضیگه آزاد قیلگن، بیراق اونهشتیریلگن هزاره ییگیت و قیز تۉی اوچون خرید قیلهیاتگن پیتده قۉلگه آلینگن بۉلیب، حاضرگچه طالبان نینگ 18-حوزهسی بۉلیمیده حبسده سقلنماقده
منو
