طالبان سۉزلاوچیسی اۉرین باسری حمدالله فطرت بیر بیانات ترقهتیب، اعلام قیلیشیچه اۉتگن کون دوامیده بېش مینگ و ۳۰۱ مهاجر، ایران و پاکستاندن چیقریلیب، افغانستانگه قیتریلگن.
بو حقده نشر اېتیلگن معلومات اساسیده، اوشبو مهاجرلر بیر مینگ و ۱۷ عایلهدن عبارت بۉلگن.
مذکور مهاجرلر، تورخم، اسپین بولدک، اسلام قلعه و نیمروز چېگره یۉللری آرقهلی مملکتگه قیتریلگن.
بو شوندهی بیرحالده دیر که اخیرگی وقتلرده پاکستان و ایران تامانیدن مهاجرلر مجبوری چیقریلیشی جدّی دوام اېتیب، هر کونی مینگلب مهاجر مملکتگه قیتریلماقده.
اوشبو مهاجرلرنینگ افغانستانگه قیتریلیشی، مملکتنینگ اقتصادی و اجتماعی باسیملرینی ینه-ده آشیریب، ایشسیزلیک و قشاقلیکنی کوچهیشیگه سبب بۉلیشی ایتیلماقده.
