قربان هییت بیرهمی یېتیب کېلر اېکن، ساغلیق ادارهلری و خلقارا تشکیلاتلر هییت و قربانلیکنی سۉییش جریانیده کانگو کسللیگیگه یولیقیش خوفی آرتیشیدن آگاهلنتیرماقده.
طالبان ساغلیقنی سقلش وزیرلیگی بیانات ترقهتیب اعلام قیلیشیچه، تخار ولایتیده اوشبو کسللیک خصوصیده خبردارلیک بېریش کمپاینی اۉتکزیلگن.
وزیرلیک بیاناتیده تاکیدلهنیشیچه، کانگو حیوانلردن انسانلرگه و انساندن انسانگه اۉتهدیگن یوقمه کسللیک بۉلیب، قربانلیک سۉییش جریانیده بو کسللیک اوچون جدّی اعتبار قرهتیلیشی کېرهک دیر.
شو بیلن بیرگه، بیرلشگن ملتلر تشکیلاتینینگ آزیق-آوقت و اېکینچیلیک تشکیلاتی هم بو کسللیک خصوصیده آگاهلنتیرگن.
مذکور تشکیلات، چاروا-ماللرنی سۉییش جریانیده، احتیاط بۉلینمهگن تقدیرده «کانگو ایسیتمهسی»گه یولیقیش ممکنلیگینی بیلدیریب، اهالیدن بو خصوصده اعتبارلی بۉلیشلرینی سۉرهگن.
