یقینده خلق ارا فوتبال فدراسیونسی (فیفا) تامانیدن رسماً تن آلینگن سورگوندهگی افغانستان عیاللر فوتبال جماعهسی ایلک رسمي مسابقهده میدانگه توشدی.
افغانستان عیاللر جماعهسی بوگون (۱۴ جوزا، پنجشنبه کونی) ینگی زېلند نینگ اوکلند شهریده کوک آراللری تېرمه جماعهسیگه قرشی اۉیین آلیب باردی.
اوچرهشوو ۱:۰ حسابیده رقیب جماعه فایدهسیگه یکونلنگن بۉلسه-ده، افغانستان فوتبالچیلری اوشبو مسابقهدهگی اشتراکی آرقهلی مملکت نامیدن خلقارا میدانلرگه قَیتیش یۉلیده مهم امید اویغاتدی.
افغانستانده جمهوریت توزومی قولهگچ و طالبان ینه حاکمیتگه کېلگچ، عیاللر فوتبال تېرمه جماعهسی فعالیتی تۉختهب قالدی. شونینگدېک، طالبان عیاللر سپورتی نینگ باشقه یۉنهلیشلرینی هم بېکار قیلدی.
افغانستان عیاللر فوتبال تېرمه جماعهسی اعضالری آسترلیا، کانادا و اَیریم اروپا دولتلریدن باشپناه آلدی.
جماعه نینگ بیر قطار اعضالری آسترلیاده (افغان عیاللری بیرلشگن جماعهسی) ناملی فوتبال جماعهسینی تشکیل اېتیب، مشغولاتلرنی دوام اېتتیردی.
یقینده فیفا اۉز قاعدهلریگه اَیریم اۉزگرتیریشلر کیریتیب، اوشبو جماعهگه «افغان عیاللری بیرلشگن جماعهسی» نامی آستیده افغانستاننینگ رسمي وکیلی صفتیده خلق ارا مسابقهلرده قتنهشیش حقوقینی بېردی.
