هرات ولایتیدهگی طالبلر امنیه قوماندانلیگینینگ معلوم قیلیشیچه، اوشبو گروهگه قرهشلی کوچلر انجیل تومنیده «اۉغریلیک»ده عیبلنگن ایکّی کیشینی اۉلدیرگن.
طالبلر امنیه قوماندانلیگی مطبوعات سۉزلاوچیسی سعید مسعود حسینینینگ ایتیشیچه، مذکور شخصلر بوگون (پنجشنبه، ۱۴ جوزا) «جنایت فعالیتی» دوامیده انیقلنگن و قوراللی تۉقنهشوو وقتیده اۉلدیریلگن.
اجتماعي ترماقلرده ترقهلگن ویدیوده بو شخصلرنینگ جسدلری «رنجر» روسوملی موتر آرقهسیگه تشلنیب، آلیب کېتیلهیاتگنی کۉرینهدی.
آلدین هم هرات ولایتیده طالبان کوچلری اۉغریلیک یاکه باشقه جنایتلرده عیبلنگن شخصلرنی اۉلدیرگچ، اولرنینگ جسدلرینی شهرده نمایش قیلگن یاکه عامه آلدیده کۉرسهتگن حالتلر قید اېتیلگن.
خلق ارا انسان حقوقلری معیارلریگه کۉره، انسان جسدینی عامه آلدیده نمایش قیلیش منع اېتیلگن و بو حرکت «انساني قدر-قیمتنی پایمال قیلیش» همده «غیرِ انساني معامله» صفتیده بهالنهدی.
