بیرلشگن ملتلر تشکیلاتینینگ افغانستاندهگی نمایندهلیگی یا -ده «یوناما» فیسبوک صحیفهسیده نشر قیلگن بیاناتیده، افغانستان سوو تنقیصلیگی معماسیدن کېلیب چیققن آغیر احوال اینیقسه بو وضعیتدن بالهلر و عیاللر ضررلنهیاتگنیدن آگاهلنتیردی.
یوناما خلقارا اطراف-محیطنی سقلش کونی عرفهسیده نشر قیلگن اوشبو بیاناتیده، افغانستانده سوو تنقیصلیگی کبی معمالرگه اعتبار قرهتیلیشی کېرهک دېب اورغولهگن.
بیرلشگن ملتلر تشکیلاتی نمایندهلیگی بیاناتیده، افغانستانده سوو تنقیصلیگی آغیر یوکینی کۉپینچه بالهلر و عیاللر کۉترماقده دېب هم آگاهلنتیرگن.
بیاناتده شونینگدېک، ساغلام بۉلمهگن سوولردن فایدهلنیش افغانستان بالهلری و عیاللرینی تورلی کسلللیکلر بیلن یوز مه یوز قیلگنینی هم بیلدیرگن.
شو بیلن بیرگه، یوناما افغانستانده سوو تنقیصلیگی معماسی تاباره یامانلشیب بارهیاتگنیدن اېسلب، بو خصوصده دواملی بیر یېچیم تاپیلیشی کېرهک دېب تاکیدلهگن.
ایتیش کېرهک که اخیرگی ییللرده، افغانستان تورلی حدودلریده یېترلی سووگه قۉل تاپیش امکانیتی یۉقلیگی خصوصیده شکایتلر تیلگه آلینماقده. اۉزبېک تیوی نینگ اېلآوازی دستوریده خلقیمیز یشهیاتگن تورلی قیشلاقلرده اهالی سوو تنقیصلیگینی اولر دوچ بۉلیب تورگن اساسی معما اولهراق تیلگه آلهدیلر.
اوشبو معما ییل اۉتیشی بیلن جدّیلشیب بارر اېکن بیراق تېگیشلی ادارهلرنینگ اعتبارسیزلیگی بو معمالر آغیرلشیشیگه سبب بۉلگن.
