اوزبېکستان و روسیه مملکتلری اۉرتهسیدهگی ییریک قۉشمه لایحه بۉلمیش «اتوم برق استیشن»نینگ قوریلیش ایشی، بو مملکتلر دولت رهبرلری شوکت میرضیایف و ولادیمیر پوتین آرقهلی آچیلدی.
معلوماتلرگه کؤره، اوشبو استیشن اۉزبېکستاننینگ جیزخ ولایتیده قوریلهدی.
اۉزبېکستان جمهور باشلیغی شوکت میرضیایف، بو استیش قوریلیش ایشلرینی آچیش مراسمیده بۉلگن نطقلریده، بو لایحه خوفسیزلیک و خلقارا اتوم انرژی آژانسینینگ دایمی نظارتیده عملگه آشیریلیشینی بیلدیردی.
شونینگدېک، میرضیایف بو لایحهده خوفسیزلیک شرطلری و باشقه استندردلر جدّی نظرده توتیلیشیگه هم ایشانچ بېرگن.
عینی حالده، اۉزبېکستان دولت رهبری بو لایحه عملگه آشیریلیشی اۉزبېکستان و روسیه اۉرتهسیدهگی استراتیژیک همکارلیکلرنی ینه-ده کېنگهیتیریشگه امید بیلدیرگن.
ایتیش کېرهک که اۉزبېکستان حکومتی، سۉنگّی ییللرده حربی نقطهی نظردن اۉزینی کوچلنتیریشگه اورینماقده.
