پاکستان پولیسینینگ اعلان قیلیشیچه، افغانستان مهاجرلریدن بیری بو اولکه پشاور شهرینینگ ناصر باغ منطقهسیده ایکّی اۉغلینی آتیب اۉلدیرگن.
پولیسنینگ ایتیشیچه، دستلبکی تېکشیروولرگه کۉره بیر آته و اۉغیللری اۉرتهسیده چیققن جنجللردن سۉنگ آته باشقه بیر اۉغلی یاردمی بیلن ایکّی اۉغلینی اوققه توتگن، نتیجهده ایکّی کیشی یرهلنگن و کسلخانهگه آلیب بارگنیدن سۉنگ او یېرده جان بېرگن.
ترقهتیلگن گزارشلرگه کۉره، اوشبو واقعه عیاللر و بالهلر حضوریده یوزبېرگن و بو واقعهگه عیبدار بۉلگنلر حادثه محلیدن قاچیب کېتگن.
پاکستان رسمیلری اوشبو قضیه قندهی یوزبېرگنی خصوصیده انیق معلومات بېرمهگن و قضیهده قۉلی بۉلگن کیشیلر قۉلگه آلینیشی اوچون سعی و حرکتلر باشلنگنینی معلوم قیلگن.
