بیرلشگن ملتلر تشکیلاتینینگ افغانستاندهگی ادارهسی، بو تشکیلاتنینگ کابلدهگی جمعیت صندیغی ایشلاوچیلریدن بیری بۉلگن فرشته عمادی کابلده عالمدن اۉتگنینی تصدیقلهدی.
اوشبو ادارهنینگ ترقتگن اعلامیهسیده کېلیشیچه، بیرلشگن ملتلر تشکیلاتی خانم عمادینی «اوشبو تشکیلات جمعیت صندیغینینگ ییریک اعضالریدن بیری» حیثیده تسلیت بیلدیریب عایلهسیگه همدردلیک بیلدیرگن.
بیرلشگن ملتلر تشکیلاتی شونینگدېک، عامهوی اخبارات واسطهلریدن اونینگ «عایلهسی و یقینلریگه» حرمت بېریشلرینی طلب قیلگن.
بیرلشگن ملتلر تشکیلاتی خانم عمادینینگ قندهی اولگنی خصوصیده معلومات بېرمهگن، بیراق بوندن آلدین فرشته عمادی اۉلدیریلگنی حقیده گزارشلر ترقهتیلگن اېدی.
