اسراییل حربی کوچلری بوگون اېرتهلب، لبنان جنوبیده یېرلشگن اوچ قیشلاق یشاوچیلریدن اوی-جایلرینی بۉشهتیشلرینی ایستهگن.
اسراییل حربی کوچلری شونینگدیک حزبالله قوماندانلریدن بیری هم اۉلدیریلگنینی معلوم قیلدی.
العربی فارسی خبرگزارلیگینینگ گزارش بېریشیچه، اسراییل حربی کوچلرینینگ سۉزلاوچیسی اۉزینینگ ایکس ترماغیده عرنایا، عنقون (صیدا منطقهسی) و کفرفیلا (نبطیه منطقهسی) یشاوچیلریدن اوی – جایلرینی ترک اېتیب و ۱۰۰۰ متر اوزاق منطقهلرگه جایلهشیشلرینی سۉرهگن.
او شونینگدیک حزبالله نی «آتش کېسیننی بوزیشی و اسراییل ایچکی جبههلرینی نشانگه آلگنی» گه عیبلب، شو سبب اسراییل حربی کوچلری حربی جواب قیتریشگه ترغیب قیلگنینی معلوم قیلدی.
اسراییل حربی کوچلر سۉزلاوچیسی، کوچ مرکزلری و حزب الله نینگ حربی قوریلمهلری و جهازلری یقینلریده بۉلگنلر جانلرینی خواطرگه سالمسلریدن آگاهلنتیردی.
