بیرلشگن ملتلر تشکیلاتی ترقیات دستورینینگ ایتیشیچه، افغانستان جمعیتینینگ ۳۳ فایزی برقدن فایدهلنهدیلر.
مذکور تشکیلاتگه کۉره، بو رقم افغانستانده الکتریک انرژی بحرانی کېنگ کۉلمده بۉلگنینی کۉرستهدی.
ترقهتیلگن گزارشلرگه کۉره، قشلاقلرده یشهیاتگن اهالی کۉپلب برق کمچیلیگیگه یوزمه – یوزلر و بو منطقهلرده ۲۰ فایزدن آز راق کیشی برقدن فایدهلنهدیلر.
اوشبو اداره شونینگدېک، افغانستانده ترقیات دستورلر، اقلیم اۉزگریشی و انرژی وضعیتی خصوصیده ترقتگن گزارشیده ایتیشیچه، برقدن فایدهلنیشی کمچیلیگی اساسی خذمتلر کۉرسهتیلیشی جملهدن ساغلیق، تعلیم، سوو یېتکزیش و اقتصادی ترقیات یۉللریدهگی اېنگ کتّه تۉسسیقلردن سنهلهدی.
بیرلشگن ملتلر تشکیلاتیگه کۉره، حاضرهم کۉپلب قیشلاقلرده یشاوچیلر اېسکی و سنتی همده کۉپ خرجتلی منبعلرگه تیهنیب کېلماقدهلر و بو یشش محیط و انسانلر ساغلاملیگیگه سلبی تاثیر قۉیهدی.
