طالبلر نینگ ننگرهار ولایتیدهگی محلي مسووللری اوچ بالهنینگ ولایت مرکزیده چۉمِیلیش وقتیده سووگه چۉکیب، حیاتدن کۉز یومگنینی معلوم قیلدی.
طالبلرنینگ ننگرهار ولایتی امنیه قوماندانلیگی مطبوعات سۉزلاوچیسی سید طیب حمادنینگ ایتیشیچه، بالهلر بوگون جمعه، ۱۵ جوزا
توشدن کېین جلال آباد شهرینینگ بیرینچی ناحیهسیده «پل بهسود» یقینیده، کابل دریاسیده سووده اۉینهیاتگن پیتده چۉکیب کېتگن.
حمادنینگ قۉشیمچه قیلیشیچه، هلاک بۉلگن بالهلرنینگ ایکّیتهسی اکه-اوکه بۉلگن، اوچینچی باله اېسه اولر نینگ عمکیبچهسی بۉلگن. حاضرگچه اولرنینگ جسدلری تاپیلمهگن.
اونینگ سۉزلریگه کۉره، بالهلر دۉستلری بیلن دَم آلیش اوچون دریا بۉییگه بارگن اېدی.
حماد ننگرهار اهالیسیدن دریالر بۉییده هاردیق چیقرهیاتگن پیتده چوقور سوولرده چۉمِیلمسلیکنی قطعي توصیه قیلگن.
سۉنگگی پیتلرده مملکتده سووگه چۉکیب کېتیش حالتلری کۉپهیماقده.
