ایران اسلامی جمهوریتی و امریکا قوشمه ایالتلرینینگ حربیلری بوگون اېرتهلب بیر-بیراویگه قرشی بیر قنچه هجوملرنی اویوشتیرگنیدن خبر بېردی.
امریکا حربی کوچلری قومندانلیگی مرکزی «سنتکام» و ایران اسلامی انقلاب قوریقچیلری تامانیدن نشر اېتیلگن علیحده بیاناتلرده، ایکّی تامان بیر-بیراوینی هجوملرنی باشلشده عیبلهگن.
امریکا حربیلری ایراننینگ راکت هجوملریگه جوابا هجوملرنی اویوشتیرگنینی اعلام قیلدی.
ایران حربی کوچلری، امریکا تامانیدن ترغیب اېتیلیگن حالده هرمز بۉغازیدن چیقهیاتگن تۉرت نفتتشووچی کېمهلرگه هجوم اېتیلگن و اولردن بیری هجومگه اوچرهگندن سونگ آرتگه قیتیشگه مجبور بۉلگنینی معلوم قیلدی.
ایران حربیلری اوشبو واقعهدن سونگ امریکا قشم و سیریکده، ایرانگه تېگیشلی مخابراتی قوریلمهلرنی نشانگه توتگن.
شونینگدېک، ایران بو هجوملرگه جوابا کویت و بحرینده امریکا حربی بَزهلریگه قرشی هجوم تورگن.
بو هجوملر آرتیدن، کویت و بحرین مملکتلریده، خوف قونغیراغی چلینگنی معلوم قیلیندی.
