طالبلرنینگ شهر توزهتیش وزیرلیگی بوگون دوشنبه ۱۸ – جوزا، نشر قیلگن بیاناتیده فاریاب ولایتی شامل یېتّی ولایتده، ۸۹۸ عایلهگه یېر توزیع اېتیلگنیدن خبر بېردی.
بوحقده نشر اېتیلگن معلوماتگه کۉره، طالبان فاریاب ولایتیده ۱۰۰ مهاجر عایلهگه یېر ترقهتگن.
طالبان اوشبو یېرلر ترقهتیلگن مهاجرلر کېملیگی همده بو یېرلر فاریاب ولایتینینگ قیسی حدودیدن ترقهتیلگنی حقیده تفصیلات بېرمهگن.
طالبان فاریاب ولایتیده یوز مهاجر عایلهگه شوندهی بیرحالده یېر ترقهتماقده دیر که بوندن آلدین طالبان مهاجرلر نامی آستیده ناتانیش شخصلرنی فاریاب ولایتیده جایلشتیریشی خبر قیلیندی اېدی.
طالباننینگ بو حرکتلری دوامیده، اندخویده ناتانیش شخصلرگه تذکره ترقهتیلیب یېر اجرهتیلیشی کېنگ تنقیدلر و مناسبتلرگه سبب بۉلگن اېدی. طالبان اېسه بو تنقیدلرگه تَن بېرمهی اوشبو رېجهلرینی عملگه آشیریشگه اورینیب کېلماقده.
شو بیلن بیرگه، طالبان فاریاب قۉشیمچه ننگرهار، فراه، غزنی، هلمند، نیمروز و پکتیکا ولایتلریده هم مهاجرلر یېرلر ترقهتیلگنینی معلوم قیلدی.
