بیرلشگن ملتلر تشکیلاتینینگ باش کاتبی آنتونیو گوتریش، افغانستان خصوصیده تیارلهگن ینگی گزارشیده اعلام قیلیشیچه، افغانستانده ناتینچلیک واقعهلر ۵۷ فایز کۉپهیگن.
اوشبو حسابات اساسیده، جاری ییل فبروری آیی باشیدن اپریل آیی یکونیگچه ۳ مینگ و ۶۸۷ ناتینچیلیک واقعهسی رویخطگه آلینگن بو رقم، اۉتگن ییل خودّی شو زمانگه نسبتن ۵۷ فایز آشگنینی کۉرسهتَدی.
آنتونیو گوتریش گزارشیده، آزادلیک و مقاومت جبههلری شامل طالبانگه قرشی بیر قنچه گروهلرنینگ هجوملرینی هم تصدیقلهگن.
عین حالده، آنتونیو گوتریش اۉز حساباتیده، بیرلشگن ملتلر تشکیلاتی جنایی جرملرگه قرشی کورهش بۉلیمی تېکشیرووی اساسیده، داعش تهدیدی افغانستانده همان دوام اېتهیاتگنینی هم معلوم قیلگن.
شو بیلن بیرگه، بیرلشگن ملتلر تشکیلاتی طالباننینگ عیاللرگه قرشی باسیملری همده سابق حکومت حربیلرینی نشانگه توتیشی دوام اېتهیاتگنینی هم بیلدیرگن.
حساباتده یوناما تامانیدن حجتلشتیریلگن سابق حکومت حربیلریدن ۵ کیشی اۉلدیریشی ۲۰ کیشی اۉز باشیمچهلیک حالده توتقینگه آلینیشی و ۸ حالت هم اولر کلتکلنیشی و حقارتلنیشی کېلتیریلگن.
بیرلشگن ملتلر تشکیلاتی باش کاتبی، افغانستانده ۲۱.۹ میلیون کیشی انسانپرورلیک یاردملرگه محتاج اېکنلیگی و بو جملهدن ۱۷.۴ فایز اهالی آغیر آچلیک وضعیتده اېکنی بیلدیریلگن.
