بدخشان ولایتی ارگو اولسواللیگیدن منبعلرنینگ اۉزبېک تیویگه تصدیقلهشیچه، بو اولسواللیکنینگ برچه قیشلاقلریده طالباننینگ پشتون جنگچیلری جایلهشیب، اهالینی آزار-اذیت قیلماقده.
منبعلر معلوماتیگه کۉره، بو جنگچیلر کوکنارنی یۉق اېتیش بهانهسی بیلن قیشلاقلر و یۉللرده چیکپاینتلر تشلب، اهالینی حددن تشقری اذیت قیلماقده دیر.
شونینگدېک، منبعلر طالبان شو بهانه بیلن ارگوده حربیلرینینگ کۉپهیتیرگنیدن هم خبر بېرهدی.
ارگو اهالیسینینگ ایتیشیچه، طالبان کوچلری یۉللرده چیکپاینت قۉییب، اۉتیب-قیتهیاتگن اهالینی کوکنار یۉق اېتیشگه مجبوری آلیب کېتماقده.
ایتیش کېرهک که بوندن آلدین هم بدخشانده شوندهی شکایتلر بیلدیریلگن اېدی.
بدخشان ولایتی درایم اولسواللیگیده طالباننینگ محلی بیر رسمی سېسلی بیر بیانات ترقهتیب، طالباننینگ پشتون جنگچیلری ظلمیدن تنقید قیلگن اېدی.
