بوگون جون آیینینگ ۱۲ – سی، بالهلر ایشیگه قرشی کورهش خلقارا کونیگه تېنگ دیر.
اوشبو کوندن هر ییلی، دنیا بۉیلب مملکتلرده بالهلرنی ایشلشیشینینگ آلدینی آلیش مقصدیده نشانلنهدی.
خلقارا ایش تشکیلاتی اوشبو کون مناسبتی بیلن اعلام قیلیشیچه، حاضرده دنیاده ۱۳۸ میلیون باله آغیر ایشلر بیلن بند دیر.
دېیرلی، اوشبو بالهلرنینگ ایشلشی آلدینی آلیش بۉییچه خبردارلیکنی کېنگهیتیریش مقصدیده ۱۲ – جون، بالهلر ایشیگه قرشی کورهش کونی اولهراق نشانلنهدی.
بو شوندهی بیرحالده دیر که افغانستان، دنیا بۉیلب اېنگ کۉپ ایشچی بالهلرگه اېگه مملکتلردن بیری دیر.
مملکتدهگی آغیر اقتصادی وضعیت، بالهلرنینگ آغیر ایشلرگه یوز کېلتیریشیگه مجبورلنتیرگن.
طالبان حاکمیتگه قیتگنیدن بېری، اوشبو بالهلرنینگ احوالیگه یېتیشیشی اوچون بیران اۉنملی چاره کۉریلمهگن و بوندن تشقری، طالبان حاکمیتیده عایلهلرنینگ اقتصادی احوالی ینه-ده یامانلشیب، ایشچی بالهلرنی کۉپهیتیرگن.
