ایران و امریکا اوزاق مدتلی اوروش و قرهمه-قرشیلیکلردن سونگ نهایت کېلیشووگه تَن بېر دیلر.
امریکا جمهور باشلیغی دونالد ترمپنینگ اعلام قیلیشیچه، ایران بیلن کېلیشووگه قۉل تاپکن و اوشبو کېلیشوو اساسیده، هرمز بوغازی کېمهلر یوزیگه آچیلهدی و امریکا کوچلری هم دېنگیز قمهلینی یکونلنتیرهدی.
شونینگدېک، جمهور باشلیغی بو کېلیشوو منطقهده تینچلیک و برقرارلیک آلیب کېلیشینی هم بیلدیرگن.
دېیرلی ایران رسمیلری جملهدن بو مملکت خوفسیزلیک کېنگشی و تشقی ایشلر وزیرلیگی هم اوشبو کېلیشوونی تصدیقلهگن.
ایتیلیشیچه پاکستان واسطهچیلیگی بیلن اۉرتهگه کېلگن اوشبو کېلیشوو ۱۹ – جون کونی سویسده امضالنیشی رېجهلشتیریلگن.
امریکا و ایران اۉرتهسیدهگی اوشبو کېلیشوو خلقارا مناسبتلرگه سبب بۉلگن. تورکیه جمهور باشلیغی رجب طیب اردوغان بو کېلیشوو عملگه آشیریلیشی برابریده هیچ نرسه توسقینلیک قیلمسلیگیگه امید بیلدیرگن.
شونینگدېک، بیرلشکن ملتلر تشکیلاتینینگ باش کاتبی آنتونیو گوترش همده فرانسه، انگلیس، آلمان، استرالیا، ایتالیا، جاپان، قطر و باشقه بیر قنچه مملکتلر دولت رهبرلری علیحده بیاناتلر ترقهتیب بو کېلیشوونی ایجابی بهالهگن.
دنیا مملکتلری رسمیلرینینگ بو خصوصدهگی بیاناتلریده، اوشبو کېلیشوو منطقهده تینچلیک و برقرارلیک تامینلنیشیگه سبب بۉلیشیگه هم امید بیلدیرگنلر.
