هرات ولایتیده طالبلرنینگ محلی رسمیلری، اوشبو ولایتده تاپی لایحهسینینگ ایشی 60 فایز ایلگری بارگنیدن خبر بېرگن.
رسمیلرنینگ تاکیدلشیچه، حاضرگچه بو لایحهنینگ هرات ولایتیده لوله یاتقیزیش ایشی 84 کیلومتر ایلگری بارگن و یېر آستی ایشلری تېزلیک بیلن دوام اېتماقده.
هرات ولایتی والیسینینگ سۉزلاوچیسی محمد یوسف سعیدیگه کۉره، اوشبو لایحهگه تېگیشلی 130 کیلومتر سرک نینگ ایشی یکونلنگن و بوندن تشقری 108 کیلومتر فایدهلنیشگه تاپشیریش گه تیار دیر.
سعیدینینگ تاکیدلشیچه، بو لایحهنینگ اجرا اېتیش جریانی تېزلیک بیلن دوام اېتماقده و تېگیشلی ادارهلر مذکور اقتصادی بویوک لایحهنی تعینلنگن زمانگچه فایده لنیشگه تاپشیریش اوچون سعی و حرکتلریگه دوام اېتدیر ماقده.
محلی رسمیلر شونینگدېک، تاپی لایحهسی کېلهسی میلادی ییل باشلهنیشیده اېنگ مهم باسقیچلری یکونلهنیب و فایدهلنیشگه تاپشیریلیشینی معلوم قیلدی.
