طالباننینگ ساغلیقنی سقلش وزیرلیگی، جوزجان ولایتیده بیر ساغلیق مرکزینینگ قوریلیش ایشلری باشلنگنیدن خبر بېردی.
طالبان ساغلیقنی سقلش وزیرلیگی تامانیدن نشر اېتیلگن بیاناتگه کۉره، اوشبو مرکز جوزجان ولایتی مردیان اولسواللیگینینگ «چلیک ارنجی» قیشلاغیده قوریلهدی.
بو ساغلیق مرکزینینگ قوریلیش ایشلری آچیلیش مراسمیده، طالبان محلی رسمیلری جملهدن بو گروهنینگ جوزجان ولایتیدهگی والیسی عبدالله سرحدی هم اشتراک اېتگن.
ایتیلیشیچه، اوشبو ساغلیق مرکزینینگ قوریلیش ایشلری کېلهسی ۱۶ آی دوامیده بیتتیریلیشی رېجهلشتیریلگن.
طالبان ساغلیقنی سقلش وزیرلیگی، بو مرکز فایدهلنیشگه تاپشیریلیشی بیلن اهالینینگ اساسی ساغلیق خذمتلریگه قۉل تاپیشی برابریدهگی معمالری حل اېتیلیشی بیلدیریلگن.
بو شوندهی بیرحالده دیر که افغانستان تورلی حدودلری اینیقسه جوزجان ولایتیده، ساغلیق خذمتلری قانقرلی و یېترلی بۉلمهگنی شکایتلرگه سبب بۉلگن.
بوگون جوزجان ولایتینینگ قوشتیپه اولسواللیگیدهگی چقمه چوقور قیشلاغی یشاوچیلریدن بیری، اۉزبېک تیوی بیلن شریک قیلگن معلوماتیده اوشبو قیشلاقدهگی ساغلیق مرکز فعالیتیدن شکایت قیلگن اېدی.
