طالباننینگ سرپل ولایتیدهگی محلی رسمیلری بو ولایتده، سابق اوروشلردن پارتلمهی قالگن حربی جهازلر یۉق قیلینگنیدن خبر بېردی.
بوحقده نشر اېتیلگن معلوماتگه کۉره، اوشبو اۉق-داریلر سرپل ولایتی گوسفندی اولسواللیگینینگ «آبخور» قیشلاغیده یۉق قیلینگن.
طالبان بو اۉق-داریلر اهالی تامانیدن انیقلنگن بۉلیب، ماین تازهلاوچی موسسهلردن بیری همکارلیگیده یۉق قیلینگنینی بیلدیردی.
شو بیلن بیرگه، طالبان سرپل ولایتینینگ اوشبو حدودیده اوروشلردن قالگن حربی امکانیتلرنینگ خوف-خطری حقیده آگاهلنتیریش دستوری هم اۉتکزیلگنینی معلوم قیلدی.
بو شوندهی بیرحالده دیر که افغانستاننینگ تورلی حدودلریده اوشبو امکانیتلر پارتلشی قربانلیکلرگه سبب بۉلیب کېلماقده. یقینده غزنی ولایتیده سابق اوروشلردن قالگن ماین پارتلشی عاقبتیده بیر باله جان بېریب و ینه ایکّی باله یرهلنگن اېدی.
