مرغولان ارکیالوگیه انستیتوتی ارکیالوگلری محلی مدنی میراثنی سقلش متخصصلری بیلن همکارلیکده قزاقستان نینگ جمبیل ولایتدهگی بورخانسای درهسیده اېسکی تورکی رونیک بیتیکنی انیقلهدیلر. تاپیلمه سیر دریا و قرهتاو حدودلری نینگ اېسکی همده اۉرته عصرلر تاریخینی اۉرگنیشگه قرهتیلگن علمی رېجه دایرهسیده عملگه آشیریلگن. بیتیک حجتلشتیریلیب، دیجیتال شکلده قید اېتیلدی و دستبلکی تحلیلدن اۉتکزیلدی، دېب خبر یازگن آستانه تایمز.
متخصصلر بیتیک نینگ انیقلنیشی ،یازیلگن دوری اینیقسه تاریخی-مدنی اهمیتنی انیقلش بۉییچه تدقیقاتلرنی دوام اېتتیرماقده. نتیجهلر قدیمگی تورکی یازوو عنعنهلری و قزاقستان نینگ اۉرته عصرلر تاریخینی چوقورراق اۉرگنیشگه خدمت قیلیشی کوتیلماقده.
دستلبکی تدقیقاتلرگه کۉره، بیتیکدهگی متن “مېنینگ اېر آتیم-ابا” دېب اۉقیلگن بۉلیب، بو “مېنینگ آتیم یا اسمم ابا” دېگنی معنینی انگلهتهدی. اوشبو اۉقیش قدیمگی تورکی یازوولر بۉییچه تانیقلی عالم، روسیه نینگ اولاناوده شهریدهگی مغول، بوداوی و تبت تدقیقاتلری انستیتوتی یېتکچی علمی خادم ولادیمیر تیشین ایلگری سورگن.
متخصصلر 2024 ییلدن باشلب حدودده تیزیملی تدقیقاتلر آلیب بارماقده و حاضرگچه 1200دن آرتیق پیتروگلف(تاش بیزهکلر) رویخطگه آلگن. اېسدهلیک بېشته تاش صورتلر مجموعهسی همده ایلک تېمیر دوری و اۉرته عصرلرگه عاید بیر نېچته قبرتاشلرنی اۉز ایچیگه آلهدی. تاشلرگه اۉییلگن تصویرلرده حیوانلر، آو منظرهلری و چاروادارلر حیاتی عکس اېتگن بۉلیب، اېنگ قدیمگی نمونهلر نینگ یاشی چمهسی 400 ییلگه باریب تاقیلهدی.
سیر دریا و قرهتاو حدودی قدیمدن اۉتراق دهقانچیلیک اینقیسه کۉچمنچی چارواچیلیک توتشگن مسکن حسابلنهدی. عالملر بو یېرلرنی حاضرگی قزاقستاندهگی اېنگ قدیمگی انسان یېرلریدن بیر دېب بیلهدیلر، بیراق اونینگ شهرقوریلیشی تاریخی و مدنی علاقهلر حلی یېترلیچه اۉرگنیلمهگن.
